Faqe të Krishtera Shqiptare është një projekt i Shërbesës ‘Shqiptarët për Krishtin’. Qëllimi ynë është që nëpërmjet këtyre faqeve t’ju ofrojmë shqiptarëve një burim të vlefshëm informacionesh, materialesh dhe shërbimesh të krishtera me kualitet. Që në gjithçka t’ju shërbejmë shqiptarëve për Krishtin.
Dëshira jonë për t’ju shërbyer shqiptarëve për Krishtin buron nga bindjet tona si besimtarë të krishterë dhe informohet nga nevojat shpirtërore, morale, dhe mendore të shqiptarëve. I gjithë projekti është rezultat i përpjekjeve dhe kontributit të disa besimtarëve të krishterë shqiptarë (si edhe të huaj), me banim në vende të ndryshme të botës. (Shqipëri, Kosovë, dhe Suedi)
Qëllimet dhe Objektivat kryesore për faqen:
1. Dëshmimi – si të besimtarë të krishterë është përgjegjësia dhe privilegji jonë që të dëshmojmë në lidhje me Jezus Krishtin dhe shpëtimin e Perëndisë nëpërmjet Tij. Ai erdhi në tokë që të ofronte jetën e Tij si një flijim vullnetar për të paguar për mëkatet tona, dhe që si rezultat kushdo që beson në të, të mos humbasi por të ketë jetë të përjetëshme. Gjithashtu, është qëllimi ynë që nëpërmjet këtyre faqeve të bëjmë një prezantim të denjë dhe informues të të krishterëve dhe krishterimit në përgjithësi. (Gjoni 3:16; Romakëve 1:16).