Letrat me Vlere,nënkupton *: (a) aksione si pjesë të kapitalit të një shoqërie tregtare; (b) "letra borxhi" si instrument që krijon ose konfirmon borxhin që është emetuar ose propozohet për t’u emetuar nga një shoqëri që përfshin, në veçanti, letra borxhi me maturim mbi një vit; (c) "letrat me vlerë të qeverisë dhe të borxhit publik" si hua, obligacione dhe instrumente të tjera që krijojnë ose vertetojnë borxhin e emetuar nga Qeveria shqiptare ose për të, ose nga një shoqëri publike, si dhe letrat me vlere të emetuara nga Banka e Shqipërisë; (ç) "garanci" si e drejta për të nënshkruar aksionet ose letrat me vlerë të borxhit, të paraqitura nga garantues, ose të tjera të ngjashme (warranty); (d) "kontratë mundësie" si çdo kontratë që krijon mundësinë për të zotëruar ose për të vënë në përdorim çdo letër tjetër me vlerë (opsion); (dh) "kontratë e së ardhmes" si e drejtë sipas një kontrate për zotërimin ose vënien në përdorim të ndonjë letre tjetër me vlerë, dorëzimi i së cilës do të bëhet në një datë të ardhshme dhe me një çmim mbi të cilin është rënë dakort në çastin e nënshkrimit të kontratës (futures); (e) të drejtat sipas një kontrate, e cila nuk siguron dorëzimin e letrave me vlerë, por qëllimi i së cilës është të sigurojë fitim apo të shmangë humbjet, duke iu referuar luhatjeve në: (i) një indeks aksionesh apo faktorë të tjerë të ngjashëm lidhur me letra të tjera me vlerë; (ii) çmimin e letrave të tjera me vlerë; (iii) përqindjen e interesit të ofruar për paratë në depozita; (ë) çdo instrument tjetër që gjykohet nga Komisioni, për qëllimet e këtij ligji, si letër me vlerë, por nuk përfshin: (i) kambialet; (ii) bonot e thesarit me një maturim fillestar më pak se tre muaj; (iii) premtim-pagesat; (iv) çertifikatat e depozitave të emetuara nga një bankë e licencuar nga Banka e Shqipërisë

Mund te ndiqni termat,sipas shkalles se rendit alfabetik,poshte ketij shpjegimi :