---Në vendet e zhvilluara % e te rritureve qe martohen ra nga 72% ne 1970 në 60 % ne 1996. Mundësia për divorcim në martesën e parë u rrit nga 50% në 67%. Mundësia për divorcim në martesën e dytë është rreth 10 % me e lartë se në martesën e parë.

---Kompjuterat modern janë ndërtuar duke u bazuar në sistemin nervor, por edhe kompjuteri modern nuk i afrohet as nivelit të nje zvarritësi.

---Mjalti mund të qëndrojë pa u prishur 3000 vjet dhe për këtë arsye dylli i mjaltit përdoret për procesin e mumjazimit.

---Njeriu më i gjatë është 2.75 cm

---Milingonat e ndjejnë tërmetin që më parë dhe dalin menjëherë nga foletë.

---Në fytyrën e një maceje ndodhen 146 muskuj.

---Peshkaqenët nuk sëmuren.

---Breshka mund të ecë me 10 km në orë.

---Nëse do të mund të përdornim 13% të trurit, do të mund të shfaqeshim nga një vend në një tjetër.

---Strucat i kanë sytë më të mëdhenj se truri.

---Hyrja e folesë së milingonës drejtohet përherë nga Veriu.,

---Nëse damarët e njeriut do të vendoseshin njeri pas tjetrit do të mund të përshkronin Ekuatorin 2 herë.

---Formuesi i Çmimit Nobel, Alfred Nobel në fakt ishte nje fabrikator dinamiti.

---Ivani i IV. i cili erdhi në pushtet në vitin 1533 në Rusi, vrau djalin e vet me pretendimin se synonte ti merrte fronin.

---Një njeriu i duhen 12 vjet për të numëruar nga 1 deri në 1 miliard.

---Minjtë nuk mund të vjellin.

Ne vdesim tërë kohës
Dy kilo qeliza të një të rrituri vdesin përditë pa lënë asnjë gjurmë. Këto qeliza kryejnë vetëvrasje për të mbrojtur trupin ndaj sëmundjeve. Trupi ynë ruan peshën dhe formën e tij pasi qeliza të tjera ndahen e shumohen duke zënë vendin e qelizave të mëparshme.

Kjo lloj vrasjeje e organizuar dhe e kontrolluar e qelizave quhet Apoptozë që në greqisht do të thotë "të biesh".

Apoptoza është një mekanizëm themelvënës që është mëse i nevojshëm për funksionimin e trupit. Ajo nevojitet për të mbajtur të pandryshueshme sasinë e qelizave por edhe është njëkohësisht një mekanizëm i rëndësishëm mbrojtës. Qelizat që dalin jashtë kontrollit asgjësohen nëpërmjet vetëvrasjes. Si edhe qelizat të cilat si pasojë e ndonjë difekti në informacionin gjenetik nisin të ndahen në mënyrë të parregullt dhe kthehen në qeliza kanceroze ashtu edhe ato që sëmuren në ndonjë mënyrë tjetër. P.sh. qelizat e infektuara duhet të shthuren përpara se një virus pushtues të ketë marrë kontrollin e mekanizmit të tyre dhe të nisë të prodhojë një sërë kopjesh të vetvetes.

Por Apoptoza është e nevojshme edhe për të ndërtuar struktura të ndryshme në trup si në çastin e krijimit të fëmijës në barkun e nënës ashtu edhe në rastin e formit të qelizave funksionale të trurit apo krijimin e qelizave funksionale nervore. Kështu qelizat që nuk janë të afta të bëjnë këto punë zhduken nëpërmjet Apoptozës.
Nëpërmjet Apoptozës krijohen edhe thonjtë ku qelizat e lëkurës nën thua vdesin për të krijuar thoin. Shkencëtarët nuk e dinë akoma se si e kuptojnë qelizat nën lëkurën e thoit se duhet të vdesin.

Tërë kohës prodhohet brenda të gjitha qelizave mekanizmi i vetëvrasjes. Kur vjen sinjali për vetëshkatërrim nis kryerja e një rradhë procesesh që kanë për qëllim shkatërrimin e kodit gjenetik në qelizë por njëkohësisht marrjen e molekulave dhe ushqimeve të ndryshme që ndodhen në qeliza.

Ai grup proteinash që bën pastaj pastrimin e mbeturinave quhet Caspaser (kazpazer) dhe deri tani janë gjetur 14 të tilla në trupin e njeriut. Caspaser'at vënë njëra-tjetrën në gjendje aktive përgjatë një reaksioni zinxhir.

Kur mekanizmi i Apoptozës nuk funksionon si ç´duhet shkaktohen forma të ndryshme kanceri. Një qelizë kanceroze është ajo qelizë që vazhdon të ndahet e të shumohet në pafundësi në mënyrë të pakontrolluar.
Mosfunksionimi i rregullt i mekanizmit të apoptozës mund të çojë edhe në humbje të imunitetit të trupit.

Diamanti dhe karati
Fillimisht, karati ishte njësia e peshës që mbështetej në farat e pemës së karobit (Carob) e përdorur prej tregtarëve të lashtë në Lindjen e Mesme. Karobi është një pemë mesdhetare me frutin si bishtajë (si bizelja) që është i ngrënshëm dhe biles zëvëndëson edhe çokollatën.

Tani karati përdoret akoma për peshën e gurëve të çmuar ku 1 karat (ct) = 200 miligram (1/5 gram), ndërsa për arin përdoret si masë e pastërtisë së tij ku ari i plotësisht pastër është baras me 24 karat (24 pjesë ar për 24 pjesë të masës). Kur shënohet i shkurtuar [c] ose [ct] nënkupton peshën e gurëve të çmuar.

Kur karati shënohet me shenjën [k] ose [kt], atëhere ai nënkupton masën e pastërtisë së arit në përzjerje. Metalet më të zakonshëm të përdorur në përzjerjet e arit janë argjendi, bakri, nikeli dhe zinku. Ari me vlerë 14 kt është 14 pjesë ar dhe 10 pjesë metale të tjera. Përzjerjet më të zakonshme të arit janë 14 kt, 16 kt dhe 18 kt.

Gurët e çmuar janë të matur me të qindat e karatit dhe një pikë = 1/100 e karatit. Domethënë fjalori i përdorur në këto raste është për shembull: një gur i çmuar 0.10 ct vlerësohet 10 pikë ose 1/10 e një karati. Gurët e çmuar të vegjël me vlerë 0.05 ct dhe 0.10 ct zakonisht vlerësohen sipas pikëve. Një diamant i rrumbullakët me përpjestime mesatare dhe me vlerë 1 ct e ka diametrin 6.5 mm. Kjo marredhënie e peshës dhe madhësisë është e ndryshme për çdo familje të guarve të çmuar. Për shembull, rubini dhe safiri janë që të dy më të rëndë se diamante (sepse kanë densitet më të madh), kështu një rubin ose safir me vlerë 1 ct është më i vogël në madhësi se një diamant 1 ct.

Burrat orientohen më mirë se gratë
Kjo sipas një eksperimenti të bërë nga studiuesit e Universitetit të Ulmit në Gjermani të cilët kryen një test në bredhje duke studjuar pjesët e ndryshme që aktivizohen në trurin e burrave dhe grave.
U hetuan 12 burra dhe 12 gra të cilëve u dha për detyrë që në një labirint kompjuterik të gjenin rrugën e daljes prej tij.

Përfundimi: Burrave iu desh mesatarisht 2 minuta dhe 22 sekonda, ndërsa grave 3 minuta dhe 16 sekonda për të dalur nga labirinti.

Përveç kësaj me ndihmën e tomografisë së rezonancës magnetike që bën të mundur matjen e rrymave të trurit u vu re se gjatë këtij testi tek truri i burrave u stimulua pjesa e majtë e zonës Hippocampus, e cila është ajo e bredhjes dhe orinentimit dhe gjendet në thellësi të trurit. Kurse tek gratë u dallua një veprim më i madh në sipërfaqe dhe në pjesën e djathtë ballore të masës së trurit .

Nuk dihet akoma se përse ndodh kjo gjë. Studimet e mëparshme kanë treguar se burrat orientohen në hapësirë me ndihmën e figurave gjeometrike, ashtu si bëhet leximi i hartës. Ndërsa gratë kanë prirje të gjejnë rrugën nëpërmjet disa pikave orientuese të rastit në terren. Gjithashtu nuk është e qartë nëse njeriu lind me këto ndryshime apo shfaqen më vonë si pasojë e mësimit të shprehive gjinore. Matthias Ripe që drejtoi këtë eksperiment beson më tepër në hipotezën e parë sepse thotë se dallimet e mësipërme janë vënë re edhe tek minjtë.

Përplasja i bëri dinozaurët sundues
Përplasja e një trupi jashtëtokësor mund të ketë sjellur rënien e dinozaurëve, por tani po duket se, një përplasje tjetër, më e hershme, mund të ketë qenë faktori që në rradhë të parë i bëri këto bisha gjigande të sundonin mbi tokë.
Një grup ndërkombëtar shkencëtarësh bëri gërmime në 70 vende të Amerikës së Veriut, duke hetuar gjurmët e këmbëve të dinozaurëve dhe fosile të tjera si dhe duke studiuar gjurmët kimikale në shkëmbinj.

Profesor Paul Olsen i Universitetit Columbia, në New York (Nju Jork) të SHBA-së thotë se përpara fundit të periudhës Triasike kishte dinozaurë relativisht të vegjël dhe një numër të madh grupesh të tjera zvarranikësh. Dëshmitë e gjetura tregojnë se dinozaurët gjigandë mishngrënës u shfaqën relativisht menjëherë pas mbarimit të periudhës Triasike (përafërsisht 210 miljonë vjetë më parë), dhe se kalimi nga gjurmët e këmbëve të tipit triasik në atë jurasik ndodhi brenda një periudhe relativisht të shkurtër prej vetëm 50 000 vjetësh.

Njëra prej gjetjeve kyçe të këtyre kërkimeve të reja është iridiumi i zbuluar në shkëmbinjtë e formuara në atë kohë.

Iridiumi është një element që haset rrallë në Tokë por i cili gjendet me shumicë në asteroide dhe kometa.
Studiuesit thonë se prania e tij na sugjeron me të madhe se Toka është goditur nga diçka jashtëtokësore - gjë që përforcohet nga prania e një numri të madh sporesh të fiereve të gjetura gjithashtu në shtresat sedimentare. Fieret janë bimët e para që kthehen në sipërfaqet e shkretuara.

Përplasja duhet të ketë ndodhur përreth kohës në të cilën gjeologët mendojnë se jeta në Tokë iu nënshtrua një shfarosjeje masive. Diçka më tepër se gjysma e qenieve nuk u shfaq më midis fosileve të gjetura në periudhat e mëvonshme.

Profesori Dennis Kent i Universitetit Shtetëror në New Jersey (Nju Xhërsi) të SHBA-së është i mendimit se efektet e përplasjes sollën asgjësimin apo pakësimin e shumë lloje qeniesh të gjalla të cila ishin në konkurim me dinozaurët duke u hapur këtyre të fundit rrugën për t'u përshtatur dhe shumuar.
Shumë shkencëtarë besojnë sot se një përplasje tjetër masive mbi gadishullin Yucatan (Jukatan) në Meksikë 65 miljonë vjetë më parë (në fundin e periudhës Cretaceous) e shndërroi klimën në Tokë, duke e bërë të pamundur për dinozaurët të vazhdonin të sundonin; ishin gjitarët ata që përfituan nga ky rast.

Sidoqoftë, shumë shkenctarë do të donin të shihnin prova të tjera përpara se t´u besonin këtyre analizave të reja.
Dr Norman MacLeod, i Muzeut të Historisë së Natyrës në Londër BM, thotë se iridiumi joizakontë mund të ketë prejardhje tjetër nga ajo jashtëtoksore. "Mund të ketë prejardhje vullkanike", thotë ai.

Gjethja e dafinës
Përgjate viteve është besuar se vajzat mund të ëndërronin burrin e tyre të ardhshëm duke fjetur në pragun e Shën Valentinit (një ditë përpara) me gjethe dafinash të kapura në anët e jastëkut.
Të tjerë besonin se dashnorët i qëndronin besnikë njëri-tjetrit për gjithë kohën sa ata mbanin gjysmën e së njëjtës degëz dafine. Sot gjethja e dafinës përfaqëson mendimet e dashurisë.

Alfabetet e para Shqipe
Carl Faulmann nga Wiena e Austrisë, në pranverë të vitit 1878, botoi një libër me titull "Schriftzeichen und Alphabete" (Shkronjat dhe Alfabetet) në të cilin, përvec alfabeteve të shumtë të njohur deri ateherë, prezenton 4 alfabete nga shqipja.

Në faqen 181 të botimit të tij të dytë të vitit 1880 qëndron kështu:
"Shqipëtaret (ai thotë "albanese"), të cilët vetëquhen shqiptarë dhe nga turqit, sunduesit e tyre, të njohur si Arnaut, banojnë në pjesën me të madhe të Ilirisë së vjeter dhe Epirit, d.m.th. në bregdetin Adriatik, në lindje të kufizuar nga Pindus dhe prej Shkodre e deri në Korinth. Ne i gjejmë ata nga shek. 14 në Greqi, ku bëjnë një të pestën pjesë të popullsisë së përgjithshme. Gjuha shqipe shfaq një pamje enigmatike, që me gjuhët fqinje në asnjë mënyrë nuk ka ngjashmeri. Është e ndarë në dy dialekte, një verior Gegerishte dhe tjetrin jugor Toskerishte. E para shkruhet me shkronja latine, ndërsa e dyta me shkronja greke. Por, përvec këtyre ka edhe shkrime autoktone, të cilat përdoren nga disa rajone dhe familje dhe që lidhshmeria e ketyrë shkrimeve me shkrime të tjera është e izoluar, sic është edhe vetë shqipja. E, ato janë:
1.Shkronjat e Elbasanit
2.Shkronjat e Byta Kukjes
3.Shkronjat e Veso Bajos
4.Shkronjat shqip-greqisht
Alfabeti i parë, i treguar këtu, gjendet në qytetin e Elbasanit dhe i cili kuptohet dhe përdoret edhe nga qyteti fqinj i Beratit. I dyti është zbuluar nga shqiptari me emrin Byta Kukje. Të tretin e mësoi, prej oborrtarit të tij, udhëheqesi i nderuar Veso Bajo, i cili po ashut ishte shqiptar" (Carl Faulmann).

Alfabeti i Elbasanit kishte 53 shkronja. Nuk ka ngjashmeri me asnjë nga alfabetet e gjendura deri me tani. Alfabeti i Byta Kukjes ka 31 shkronja dhe po ashtu për nga ngashmeria është i izoluar. Alfabeti i Veso Bajos ka 22 germa dhe është i izoluar për nga ngjashmeria. Alfabeti shqip-greqisht ka 34 shkronja të cilat gati të gjitha janë greqisht, por me disa ndryshime. Mund ta quanim Alfabet grek të pervetesuar nga shqiptaret apo të "shqiptarizuar". Më shumë se 12 prej tyre janë të kombinuara, të cilat nuk gjenden në alfabetin grek. Pra te përshtatura nga shqiptaret për të folmen e tyre.

Gërhitja - kur nata kthehet në makth
Gërhitja jo vetëm që është e mërzitshme por edhe e pashëndetshme. Zhurma ndonjëherë shurdhuese e gërhitjes e shqetëson partnerin, por vetë gërhitësit ky gjum jo i qetë i sjell pasoja të këqija. Gërhitësi merr frymë me vështirësi për shkak se rrugët e frymëmarrjes si nëpërmjet gurmazit apo hundës janë ngushtuar. Trupi i tij nuk arrin të marrë veten gjatë gjumit, ai është tërë kohës nën stres. Kjo sjell shqetësime në zemër dhe në qarkullimin e gjakut. Truri merr shumë pak oksigjen. Hetimet kanë treguar se gërhitja ul aftësinë për t'u përqendruar dhe shkallën e inteligjencës.

Gërhitja ndodh vetëm gjatë të fjeturit. Ajo ndodh kryesisht gjatë marrjes së frymës, rrallë gjatë nxjerrjes së saj. Gjatë gjumit, çdo muskulaturë e trupit flë, poashtu ndodh edhe me muskujt e padukshëm në gojë dhe në zonën e frymëmarrjes. Kur këto muskuj çtendosen gjatë gjumit, pjesët e qullëta lëkunden dhe dridhen pas çdo frymëmarrje. Dridhja është ajo që nxjerr zhurmën tipike të gërhitjes.
Më shpesh gërhasin burrat sesa gratë. Gratë gërhasin më shpesh kur nisin të thyhen në moshë. Shumë herë operacioni mund të ndihmojë në largimin e të gërhiturit kur arrihet të hiqet mishi që vështirëson frymëmarrjen.

Hyn në fuqi protokolli i Kyoto's për ruajtjen e klimës
Protokolli i Kyoto's është një përpjekje globale për të pakësuar prodhimin e gazrave, për të cilat shumë shkencëtarë thonë se krijojnë efektin serrë duke sjellur rritjen e temperaturave globale. Ky protokoll hyri në fuqi më 16 shkurt 2005 pas më shumë se shtatë vjetë negociatash. Të paktën 36 vende kanë tani objektiva të detyrueshme për uljen gjatë shtatë viteve të ardhshme të emetimeve të gazrave nën një nivel që është vënë si objektiv brenda vitit 2012.

Ndikimi do të jetë fare i vogël por do të mundësonte ndërmarrjen e hapave të mëtejshme.
140 vende të botës kanë ratifikuar këtë marrëveshje. BE-ja është forca kryesore. Shtetet e Bshkuara u tërhoqën nga pakti në vitin 2001 duke përmendur dëmet e mundshme ndaj ekonomisë amerikane.

Disa vende kanë ndërmarrë tashmë hapa për të arritur objektivat, të tjera janë ende larg, dhe ka mundësi që ato do të kërkojnë mënyra për të shmangur detyrimet e tyre. Mënyra se si do të arrihen objektivat e Kiotos është çështje shumë e debatueshme.
Shkenca po sjell prova, jo thjesht parashikime, gjithnjë e më të mëdha të ndikimit që sjell ndryshimi i klimës, dhe kjo mund të jetë e mjaftueshme për ta sjellë botën në zhvillim në tavolinën e bisedimeve.

Njerëzit shkaktarë të ngrohjes globale

Të dhënat e reja që iu paraqitën Shoqatës Amerikane për Avancimin e Shkencës nga një grup shkencëtarësh amerikanë thonë se temperatura e ujit të oqeaneve është rritur për shkak të nivelit të lartë të emetimit nga njerëzit të gazrave që shkaktojnë ngrohjen globale.

Deri tani debati ka qenë nëse ngrohja globale është pasojë e shtimit të aktivitetit diellor apo vullkanik apo rezultat i djegies se karburanteve nga njerëzit.

Antikrishti
Dajxhali, mesia i rremë që do të luftojë Isain (Jesus) kur ky të kthehet për së dyti; kundërshtari i Krishtit.
Kiameti përshkruhet në Kuran në surën 81 dhe 82 në mënyrë të ngjashme si në krishterizëm. Ai nis me shfaqjen e Djallit (Antikrishtit), i cili do të mposhtet nga Isai (Jesus) i sërishkthyer.

Bashkimi Sovjetik
Një ish shtet komunist i Europës Lindore dhe Azisë së Veriut; themeluar më 1922; përfshinte Rusinë dhe 14 republika të tjera socialiste sovjetike (Ukraina, Bjellorusia etj.); u shpërbë zyrtarisht më 31 dhjetor 2001.
Njihej ndryshe edhe si: BS, Rusia, Bashkimi i Republikave Socialiste Sovjetike, BRSS (USSR në anglisht).
Bashkimi Sovjetik ishte shteti i parë që më 10 Tetor 1960 ngren një sondë për në Mars. Ajo nuk arrin as orbitën e Tokës.

Sondat sovjetike "Mars 2" dhe "Mars 3" mbërrijnë në Mars në 1971-shin por livrojnë vetëm pak të dhëna prej andej. Moduli i tokëzbritjes i "Mars 3" ishte sendi i parë artificial që ra në planetin e kuq.

Jeta në Tokë ka filluar para 3.4 miliardë vitesh
Jeta në Tokë, në formën e mikrobeve, ka filluar para mbi 3.4 miliardë vjetësh, që do të thotë 16 milionë vjet para asaj që është pranuar nga të gjithë, njofton revista britanike " Nature". Analizat e koralit Buck Reef Chert të Afrikes së Jugut, që daton 3,416 miliardë vjet përpara, tregon se ai ishte formuar nga shtresa sendimentesh klasike dhe se shumica e lëndës që përmban karbon kishte si origjinë organizma fotosintetikë.
Autorët e kësaj analize, Micheal Tice dhe Donald Lowe, të Universitetit Stanford, vlerësojnë se ajo(analiza) do ti japë fund debatit për datën e origjines së jetës në Tokë.

Jeta nuk u krijua nga asgjëja
Lënda: Krijimi i jetës
Akoma nuk ka ndonjë shpjegim të saktë mbi se si është krijuar jeta në Tokë. Si u bë e mundur që nga llumi parahistorik u krijua diçka që mund të riprodhonte veten si dhe të zhvillohej ? Sipas mikrobiologut londinez John Joe Fadden jeta në fillimet e saja ishte pjesë e ligjeve të grimcave, Mekanikës Kuantike. Kjo mekanikë i dha jetës hapin vendimtar
Nëse i besohet kësaj teorie atëherë ndryshon krejt pikëpamja mbi se çfarë është jeta në të vërtetë. Në këtë shikim të ri del që jeta që është zhvilluar në planetin tonë i ka rrënjët e saja thellë në Gjithësi e cila nga ana e saj gjithashtu u bindet ligjeve të Mekanikës Kuantike.
Pra ai që i dha hov jetës në Tokë ka qenë një shkaktar që i përket Mekanikës Kuantike. Vetë teoria e kësaj mekanike parashikon qenien e qelizave të gjalla. Edhe vetë molekula e DNA-së e cila drejton qelizat e organizmave të gjallë është pjesë e parimeve të Mekanikës Kuantike. Efekti i kësaj mekanike sipas të cilit një grimcë mund të jetë njëkohësisht në vende të ndryshme është po ai që ndodh me DNA-në. Kështu krijohet një dinamikë e jetës.
Sipas Fadde nuk duhet të vazhdohet të mendohet se jeta u krijua krejt rastësisht nga llumi parahistorik dhe se nuk ka pasur aspak të bëjë me kiminë apo biologjinë.

Hipofiza - gjendra e trurit
Hipofiza gjindet ne koke nen ndermjet tru. Ka madhesine e fasules. Ka rendesi te madhe sepse tajon hormone me rendesi te madhe per trupin e njeriut. Hipofiza rregullon punen e gjendrrave tjera endokrine. Si pune e saj eshte rritja e trupit, metabolizmi i ujrave dhe kriprave minerale, qumshtit te nenes etj.
Si hormoni me i rendesishem eshte hormoni i rritjes. Nese hipofiza qe ne moshen femijerore tajon pak hormone ngadalesohet rritja e eshtrave te gjate gypore dhe keshtu njeriu mbetet i vogel apo shkurtabiq (80 deri 100cm). Mirepo nese hipofiza tajon shume hormone atehere behet rritja e madhe e trupit- personi rritet shume-gjigantizohet (mbi 2 metra). Por nese hipofiza tajon hormone ne moshe te rritur atehere shfaqen crregullime trupore qe quhen Akromegali. Ne keto raste rriten pjeset anesore te trupit si nofulla e poshtme, hunda, shputat e kembeve, shuplakat e duarve etj. Keto deformime dhe rritja e tepert ose mbetja shkurtabiq mund te parandalohen. Masat e parandalimit jane: higjiena personale, orari ditor , ushqimi i rregullt ,gjimnastika e mengjesit etj.

Liqeni i Ohrit - në të vdekur
Lënda: Liqene shqiptare
Përgjatë një zhvendosje tektonike të tokës që ndodhi 3,5 miljonë vjet më parë në mes të Ballkanit në kufirin e sotëm midis Shqipërisë dhe Maqedonisë u krijua Liqeni i Ohrit. Ky është liqeni më i vjetër në tërë Europën.
Në zonën e këtij liqeni rriten bimë dhe kafshë të llojeve tepër të lashta dhe të rralla të cilat nuk gjenden në ndonjë vend tjetër të botës. Për këtë arsye ky liqen ndodhet nën mbrojtjen e Unescos si pjesë e pasurisë së njerëzimit.
Mirëpo shqiptarët dhe maqedonasit e ndotin liqenin duke hedhur në të gjithnjë e më tepër mbeturina ushqimesh dhe pisllëqe që vijnë nga shtëpitë, turizmi, agrikultura dhe industria. Kështu sipas llogarive të bëra, nëse ndotja nuk do të pushonte liqeni do të vdiste pas 10 deri 50 vjetëve.
Pisllëqet përbëjnë ushqim për algat e liqenit të cilat po përhapen gjithnjë e më tepër duke ua thithur oksigjenin e ujit peshqve, ngjalave e gaforreve. Si pasojë është ulur dukshëm numri i këtyre të fundit.

Në shumë vende bregu është tërhequr.
Studimet e bëra nga ekspertë të Institutit të Hidrobiollogjisë së Ohrit kanë treguar se uji i liqenit përmban përqindje tepër të larta fosfori që e ndot atë më tepër. Shkaktar për këtë bëhet zbrazja e ujrave të zeza drejtpërdrejt në liqen si rasti i qytetit të Pogradecit që ka 40 mijë banorë. Po punohet për gjetjen e mundësisë që të gjithë vendbanimet përgjatë bregut të liqenit si ato shqiptare edhe ato maqedonase të lidhen me një kompleks pastrimi ujrash të zeza dhe asgjësimi mbeturinash që do t´ia hiqte liqenit një pjesë të barrës.

Një hap tjetër përpara po bëhet në shtimin në mënyrë artificiale të peshqve.
Banka Botërore, Qeveria Zviceriane, Global Environmental Facility (GEF), Instituti Gjerman i Kredive dhe Euronatur po japin një shumë prej disa miljonë dollarësh për këtë projekt që synon që nëpërmjet një bashkëpunimi shqiptaro-maqedonas të mbrohet natyra e këtij liqeni.

Jeta në Tokë ka egzistuar që prej përafërsisht 4 miljard vjetësh dhe i ka mbetur të egzistojë edhe pothuajse 1 miljard vjet.
Dielli ynë është një yll i përmasave të zakonshme i cili u krijua prej resh gazi dhe pluhuri. Energjia diellore që na ngroh ne është djegie e hidrogjenit i cili kthehet kështu në helium.
Që nga koha kur Dielli lindi deri tani rrezatimi i tij mbi Tokë është rritur me 30 përqind dhe rritet akoma me një përqind çdo njëqindmiljonë vjet çfarë sjell si pasojë që në Tokë temperatura do të rritet gjithnjë e më tepër.
Pas 500 mijonë vjetësh do të ketë kaq pak dioksid karboni sa pjesa më e madhe e formave të jetës nuk do të mund të mbijetojë, përveç disa llojeve si misri, sheqeri dhe disa barnave tropikale të cilat mund të kryejnë proçesin e fotosintezës edhe me sasi të ulta dioksidi karboni. Mbas një miljard vjetësh temperatura mesatare mbi sipërfaqen e Tokës do të jetë 50-60 gradë, e mjaftueshme për të bërë që uji i tërë rruzullit të avullojë. Por pa ujë nuk ka jetë.
Jeta në Tokë ka egzistuar që prej përafërsisht 4 miljard vjetësh dhe i ka mbetur të egzistojë edhe pothuajse një miljard vjetë.

Këtë formë mund të marrë Dielli ynë gjatë shuarjes
Mbas 6,5 miljardë vjetësh Dielli do të ketë djegur pjesën e hidrogjenit që ndodhet në qendër dhe do të nisë të shuhet. Faza e shuarjes do të zgjasë një miljard vjetë. Rruzulli i përtharë tokësor do të kapet nga flakët e Diellit. Dielli do të zmadhohet me shpejtësi dhe do të ketë një rreze sa largësia nga Dielli në Tokë. Më vonë ai do të kalojë në një jetë të dytë duke u zvogëluar dhe nisur së djeguri heliumin.
Pas djegies së krejt heliumit Dielli do të humbasë sasi të mëdha materie me çlirimin e stuhive diellore që do të vjedhin jashtë të brendshmet e tij. Gjithësia do të pasurohet kështu me lëndë të reja që do të ndihmojnë në krijimin e yjeve apo planetëve të tjerë dhe ajo që do të mbesë nga Dielli do të jetë një bërthamë e vdekur, e vogël dhe e nxehtë në një mjegull ciflash shumëngjyrëshe

Përgatiti z.Alvin Ekmekçiu - Rruzull dhe nga AlbaWeb

Kuriozitete nga Jeta
Kuriozitete - Shkencë Dituri - Profeci
Kuriozitete - Shkencë Dituri - Profeci !